Penşenbe güni kenarýaka futbol boýunça şu ýyl geçiriljek Aziýanyň kubogynyň bijeleri çekildi. Bu barada AFK-nyň resmi saýty habar berdi.
Yklym ýaryşy şu ýylyň 16 ― 26-njy marty aralygynda Tailandyň Pattaýa şäherinde geçiriler.
Aziýanyň kubogyna 16 ýygyndy gatnaşar. Olar dört-dörtden dört toparça bölündiler.
- «A» toparça: Saud Arabystany, Owganystan, Bahreýn, Tailand. ⠀
- «B» toparça: Özbegostan, Malaýziýa, Eýran, BAE.
- «С» toparça: Indoneziýa, Hytaý, Liwan, Ýaponiýa.
- «D» toparça: Gyrgyzystan, Kuweýt, Palestina, Oman. ⠀ ⠀
Ýaryşyň çärýek finalyna her toparçadan iki ýygyndy çykar.
AFK kenarýaka futbol boýunça yklym ýaryşyny 2006-njy ýyldan bäri geçirip gelýär. Ilkinji ýaryş Birleşen Arap Emirlikleriniň Dubaý şäherinde geçirilipdi. Häzirki çempion bolsa Ýaponiýanyň ýygyndysydyr. Ol çempionlygyny 2019-njy ýylda gazanypdy.