Türkmenistanda Täze ýylyň bosagasyndaky hepde bulutly we ýagyşly bolar. Howanyň ortaça temperaturasy gündizlerine +14 gradus bolar.
Aşgabatda üýtgäp durýan bulutly howa bolup, howanyň temperaturasy gündizlerine +10… +12, gijelerine +2…+4 gradus bolar. Hepdäniň ortasyndan howanyň temperaturasy gündizlerine +5, gijelerine -1 gradusa çenli peseler. Az-owlak ýagyş ýagmagy mümkin.
Ahal welaýatynda hem ýagşa garaşylýar. Howanyň temperaturasy gündizlerine +8… +13, gijelerine +1… +6 gradus bolar. Dynç günlerine golaý howanyň gijeki temperaturasy -3 gradusa çenli peseler.
Balkan welaýatynda bulutly we ýagyşly howa bolar. Howanyň temperaturasy gündizlerine +4… +9, gijelerine +3 gradus bolar.
Mary welaýatynda bulutly howa bolar. Howanyň temperaturasy gündizlerine +4… +9, gijelerine +1… +6 gradus bolar. Ýagyş ýagmak ähtimallygy-da aradan aýrylmaýar.
Lebap welaýatynda üýtgäp durýan bulutly howa bolup, howanyň temperaturasy gündizlerine +3… +8, gijelerine 0…–5 gradus bolar. Ýagyş ýagmagy ähtimal.
Daşoguz welaýatynda bulutly howa bolar. Howanyň temperaturasy gündizlerine +2… +7, gijelerine -3…-8 gradus bolar. Welaýatyň käýerlerinde ýagyş ýagar.
