ABŞ-nyň Döwlet departamenti «C5+1» platformasynyň çäginde Türkmenistan bilen hyzmatdaşlygy pugtalandyrmagy meýilleşdirýär. Bu barada ABŞ-nyň Döwlet departamentiniň metbugat gullugyna salgylanyp, «Trend» habar berýär.
— Orta Aziýany gülledip ösdürmegiň ösmek baradaky umumy maksadymyza ýetmegiň hatyrasyna «C5+1» diplomatik platformasy arkaly Türkmenistan bilen ýakyn hyzmatdaşlygymyzy dowam etdirmäge sabyrsyzlyk bilen garaşýarys. Merkezi Aziýanyň Hökümetleriniň we halklarynyň arasyndaky hyzmatdaşlyk sebitde durnuklylygyň, demokratiýanyň we howpsuzlygyň esasydyr — diýip, çeşme Döwlet departamentine salgylanýar.
Şeýle hem habar berilmegine görä, Döwlet departamenti söwdany, howpsuzlygy we suw baýlyklaryny, şeýle hem energetikany dolandyrmagy gowulandyrmagyň hatyrasyna ikitaraplaýyn hyzmatdaşlygyň giňeldilmegini hem-de sebitara özara gatnaşyklaryň artmagyny «C5+1» diplomatik platformasynyň ileri tutulýan ugurlary hökmünde görkezýär.
— Biz ýaşlary — geljekki telekeçileri we häzirki ýolbaşçylary, esasanam zenanlary Türkmenistanyň ähli raýatlarynyň durmuş derejesini ýokarlandyrmaga we baý türkmen medeni mirasyny dünýä giňişligine ýaýmaga gönükdirilen hünär we bilim maksatnamalaryna çekmäge sabyrsyzlyk bilen garaşýarys — diýip, Döwlet departamenti belleýär.
