Russiýa Federasiýasynyň Senagat we söwda ministrliginiň I.P.Bardin adyndaky Merkezi gara metallurgiýa ylmy-barlag institutynyň hünärmenleri 2022-nji ýylda Türkmenistanyň magdanyny seljermek boýunça işini tamamlady, ýurduň metallurgiýany ösdürmek üçin mümkinçilikleri, şeýle-de baý tebigy gory bar diýip, Russiýanyň söwda boýunça Türkmenistandaky wekili Aleksandr Ýelizarow TASS-yň habarçysy bilen geçirilen söhbetdeşlikde gürrüň berdi.
— I.P.Bardin adyndaky Merkezi gara metallurgiýa ylmy-barlag instituty eýýäm magdan boýunça seljerme geçirdi. Ýurtda geljekde iri metallurgiýa zawodyny gurmak meýilleşdirilýär. Häzirki wagtda bu ýerde ýylda 100 müň tonna önüm öndürýän kiçi zawod bar — diýip, Ýelizarow belledi.
Söwda wekiliniň aýtmagyna görä, Türkmenistanda dag-magdan baýlaşdyryjy zawody gurmagyň geljegi juda ýokary. Bellenilişi ýaly, häzirki wagtda bu taslamanyň üstünde iş alnyp barylýar.