Gazagystanyň Prezidenti Kasym-Žomart Tokaýew Russiýa resmi sapar bilen barar, bu onuň döwlet Baştutanlygyna gaýtadan saýlananyndan soňra ilkinji daşary ýurt sapary bolar.
«Report.az» habarlar gullugynyň ýazmagyna görä, bu barada Russiýa Federasiýasynyň Prezidentiniň metbugat-kätibi Dmitriý Peskow habar berdi.
Sapar wagtynda iki ýurduň Prezidentleri gepleşikleri geçirerler, iş ertirligi wagtynda gürrüňdeş bolarlar hem-de bilelikdäki resminamalara gol çekerler.
«Bu ikitaraplaýyn rus-gazak gatnaşyklary üçin wajyp sapar bolar» diýip, Peskow nygtady.
