Şwesiýada gök önümler göni supermarketleriň özünde, ýagny «dik fermalar» diýilýän şahamçalarynda ýetişdirilýär, bu taslama ýerli startaplaryň birine degişlidir. Bu barada «Habar 24» neşiri habar berýär.
Şeýle fermalaryň esasy artykmaçlyklarynyň biri-de serişdeleri tygşytlamakdan ybaratdyr. Mysal üçin, ösümlikleri sowukdan goramak üçin goşmaça çykdajylar aradan aýrylýar, sebäbi gök önümler gidroponika, ýagny topraksyz ýetişdirilýär. Soňra olary ýörite küýzelere göçürýärler hem-de iýmitlendiriji maddalar bilen baýlaşdyrylan suw bilen suwarylýar. Şeýle fermalar eýýäm ýurduň supermarketleriniň 8-sinde bar.