10-njy noýabrda Mary şäherinde Türkmenistanyň Naýbaşy futzal ligasynyň 17-nji tapgyrynyň duşuşyklary geçirildi. Bu barada TFF-niň resmi saýy habar berýär.
Tapgyryň ilkinji duşuşygynda «Senagatbank» topary «Ahaldan» üstün çykdy (4:2). Tapgyryň ikinji duşuşygynda TNGIZT «Milli goşun» toparyny 5:1 hasabynda ýeňlişe sezewar etdi. Ýaryş tertibiniň öňbaşçysy «Köpetdag» topary hem geçiren duşuşygynda uly hasaply ýeňiş gazandy. Paýtagtymyzyň topary bu duşuşykda «Daşoguz toparyndan 8:3 hasabynda üstün çykdy. Tapgyryň ýene-de bir duşuşygynda «Deňizçi» bilen «Gümrükçi» toparlary güýç synanyşdy. Bu duşuşyk 5:0 hasabynda «Deňizçiniň» peýdasyna tamamlandy.
Şeýlelikde, geçirilen oýunlardan soň 45 utuk toplan «Köpetdag» birinji orny eýeleýär. Ikinji, üçünji orunlary degişlilikde «Deňizçi» hem-de «Gümrükçi» toparlary eýeleýärler.
Naýbaşy futzal ligasynyň 18-nji tapgyrynyň duşuşyklary 10-njy noýabrda geçiriler: «Daşoguz» – TNGIZT, «Ahal» – «Milli goşun», «Deňizçi» – «Senagatbank», «Köpetdag» – «Gümrükçi».
17-nji tapgyryň netijeleri:
«Senagatbank» – «Ahal» – 4:2
«Milli goşun» – TNGIZT – 1:5
«Köpetdag» – «Daşoguz» – 8:3
«Gümrükçi» – «Deňizçi» – 0:5
Ýaryş tertipnamasy:
T/b | TOPARLAR | O | Ý | D | U | T | U | |
1. | «Köpetdag» | 17 | 14 | 3 | 0 | 93-32 | 45 | |
2. | «Deňizçi» | 17 | 13 | 3 | 1 | 81-19 | 42 | |
3. | «Gümrükçi» | 17 | 10 | 3 | 4 | 68-46 | 33 | |
4. | «Senagatbank» | 17 | 10 | 2 | 5 | 51-39 | 32 | |
5. | «Daşoguz» | 17 | 5 | 2 | 10 | 62-89 | 17 | |
6. | TNGIZT | 17 | 5 | 0 | 12 | 41-67 | 15 | |
7. | «Milli goşun» | 17 | 2 | 1 | 14 | 38-79 | 7 | |
8. | «Ahal» | 17 | 2 | 0 | 15 | 34-97 | 6 |