Türkmenistanyň Adalat ministrliginiň garamagyndaky Raýat ýagdaýy namalarynyň ýazgylarynyň merkezi arhiwinde täze kitap skaneri peýda boldy.
«Elar Scan A2-600RA» skaneri Birleşen Milletler Guramasynyň Türkmenistandaky Ösüş Maksatnamasy tarapyndan arhiw raýat ýagdaýynyň ýazgylaryny skanirlemek üçin berildi.
Arhiwiň işgärleri täze skaner bilen işlemek üçin tälim alýarlar.
BMGÖM-iň jemgyýetçilik ulgamlarynda habar bermegine görä, ofis enjamlary Türkmenistanda sanly jemgyýetçilik hyzmatlarynyň ösüşine goldaw bermek taslamasynyň bir bölegi hökmünde berildi.
Bu taslamanyň çäginde 1-nji oktýabrdan başlap, raýat bellige alyş gullugynyň programma üpjünçiliginiň Bitewi sanawynyň hem synag görnüşinde işe girizilendigi bellendi.