Hytaý alymlary beýleki ýurtlardan bolan kärdeşleri bilen birlikde «Akmaýanyň ýolunyň» agramyny ölçediler. Alnan maglumatlar netijesinde biziň galaktikamyzyň öň hasap edilişinden iki esse kiçidigi belli boldy diýip, «Xinhua» habarlar gullugy habar berdi.
Ylmy-barlaglar «Akmaýanyň ýolunyň» agramynyň takmynan 550 milliard Gün agramyna deňdigini görkezdi, öňki hasaplamalara görä, ol 1 trillion Gün agramyna deňdi.
«Biziň barlaglarymyz «Akmaýanyň ýolunyň» öň pikir edişimizden inçe bolmagynyň mümkindigini görkezýär» diýip, ylmy-barlaglaryň ýolbaşçysy, Hytaýyň Ylymlar akademiýasynyň Milli astronomiýa obserwatoriýasynyň işgäri Sýu Sýansýan aýdýar.