Soňky habarlar

Arhiw

Türkmen talyplary F.F.Martens adyndaky halkara bäsleşikde ýeňiji boldular

10:2407.10.2022
0
39591

2022-nji ýylyň oktýabr aýynyň 3–7-si aralygynda Russiýa Federasiýasynyň Moskwa şäherinde geçirilen F.F.Martens adyndaky Halkara ynsanperwer hukugy boýunça halkara bäsleşikde Türkmenistanyň adyndan çykyş eden Halkara ynsanperwer ylymlary we ösüş uniwersitetiniň talyplary 1-nji orna mynasyp boldular.

Halkara Gyzyl Haç Komitetiniň guramagynda geçirilen bäsleşige Halkara ynsanperwer ylymlary we ösüş uniwersitetiniň talyplaryndan ybarat toparyň düzüminde uniwersitetiň Halkara jemagat hukugy hünäriniň 4-nji ýyl talyby Döwlet Gurbanow, Halkara hususy hukugy hünäriniň 4-nji ýyl talyby Zöhre Geldiýewa we Halkara jemagat hukugy hünäriniň 3-nji ýyl talyby Nowruz Nurberdiýewa dagylar gatnaşdylar. Olary bäsleşige uniwersitetiň Halkara hukugy kafedrasynyň mugallymy Wekil Wekilow taýýarlady.

Bäsleşige dünýäniň 7 döwletinden: Russiýa Federasiýasyndan 12, Belarus Respublikasyndan 4, Gazagystan, Gyrgyzystan, Ermenistan, Özbegistan, Türkmenistan döwletlerinden 1 sany, jemi 21 sany ýokary okuw mekdepleriň zehinli talyp ýaşlary gatnaşdy.

Teswirler
Teswir ýazmak üçin içeri giriň ýa-da registrasiýa boluň