Birleşen Milletler Guramasynyň Baş Assambleýasy Filippo Grandini Guramanyň Bosgunlaryň işi boýunça baş komissary wezipesine gaýtadan saýlady diýip, «Trend» habar berdi.
Grandi bu wezipäni 2016-njy ýylyň ýanwaryndan bäri eýeläp gelýär, Baş Assambleýanyň çözgüdi esasynda onuň ygtyýarlylyklary 2025-nji ýylyň 31-nji dekabryna çenli uzaldyldy. Çözgüt ses berlişiksiz kabul edildi.
Grandi italiýaly diplomat, ol BMG-niň düzümlerinde 1988-nji ýyldan bäri işläp gelýär. Onuň işlän ýerleriniň hatarynda Siriýa, Yrak, Türkiýe we Afrikanyň dürli ýurtlary bar.
