Maglumatlaryň has tiz iberilişini üpjün edýän täze – Wi-Fi 7 tehnologiýasy ornaşdyryljak ilkinji smartfonlar 2024-nji ýylda peýda bolar. Ol «Samsung Galaxy S24» smartfonydyr diýip, «DigiTimes» portaly habar berdi diýip, «Gazeta.ru» ýazýar.
Täze smartfonda ornaşdyryljak çipler maglumatlaryň iberilişini öňki nesildäki Wi-Fi ulgamyndan 2,4 esse tizleşdirmäge mümkinçilik berer.
Wi-Fi 7 ulgamynyň geçirijilik ukyplylygy 30 Gbit /s deň bolar we onuň tizligi sekuntda 40 Gbit /s ýeter. Wi-Fi 6 ulgamynyň bu ugurdaky ukyby 9,6 Gbit /s deňdir.
Portal Wi-Fi 7 ulgamynyň köpçülikleýin ornaşdyrylan wagtynda ýeterlik gymmat boljakdygyny we munuň onda işlejek smartfonlaryň nyrhyna täsir etjekdigini ýazýar.
«Samsung Galaxy S24» — kompaniýanyň heniz anonsirlenmedik smartfonydyr, ol 2024-nji ýylda satuwa goýberiler diýlip garaşylýar.
Samsung Galaxy S23 telefonlary bolsa, geljek ýylyň başynda satuwda peýda bolar.