«Ahalyň» hüjümçisi Didar Durdyýew Ýokary liganyň şu möwsümindäki 10-njy pökgüsini geçirdi. Şeýlelikde, ol «Köpetdagdan» Begenç Akmämmedow bilen bilelikde, möwsümiň iň netijeli futbolçylarynyň başyny çekýär.
«Ahal» ― «Altyn asyr» duşuşygynda tapawutlanan futbolçylardan Resul Hojaýew («Ahal») möwsümdäki 4-nji pökgüsini geçirip, ilkinji 10-luga girdi. «Altyn asyrdan» Röwşen Halmämmedow bolsa Ýokary liganyň şu möwsümindäki ilkinji pökgüsini geçirdi.
Ýeri gelende aýtsak, möwsümde tapawutlanan futbolçylaryň sany 52-ä çykdy. Yzda galan 9 tapgyrda geçirilen 36 duşuşykda heniz öz derwezesine pökgi geçiren futbolçy ýok.
