Şu gün, 5-nji awgustda Russiýanyň Prezidenti Wladimir Putin Soçide Türkiýäniň Prezidenti Rejep Taýyp Ärdogan bilen gepleşikleri geçirer diýip, Kremliň metbugat gullugy habar berdi.
Prezidentler gepleşik wagtynda rus-türk köptaraplaýyn hyzmatdaşlygyň meselelerini, söwda-ykdysady gatnaşyklary mundan beýläk-de giňeltmegiň geljegini ara alyp maslahatlaşarlar, şeýle-de energetika pudagynda bilelikdäki strategik taslamalaryň durmuşa geçirilişiniň barşyna serediler.
Putin we Ärdogan mundan başga-da halkara gün tertibiniň wajyp meseleleri babatda pikir alşarlar. Bu barada «aif.ru» ýazýar.