Türkmenistanyň futbol boýunça zenanlar ýygyndysy Merkezi Aziýa Futbol assosiasiýasynyň (CAFA) çempionatynyň açylyş oýnunda Täjigistanyň ýygyndysy bilen duşuşdy. Oýun 1:1 hasabynda deňlikde tamamlandy.
Duşuşygyň 6-njy minudynda Munisa Mirzoýewanyň geçiren goluna ildeşlerimiz ikinji ýarymda Swetlana Prýannikowanyň takyk urgusy bilen jogap berdiler.
CAFA — 2022 çempionatynyň birinji tapgyrynyň beýleki duşuşygynda Eýranyň topary Gyrgyzystanyň ýygyndysyny 1:0 hasabynda utdy.
Zenanlaryň milli ýygyndy toparlarynyň arasynda geçirilýän CAFA — 2022 çempionatynyň indiki, ikinji tapgyrynyň oýunlary 11-nji iýulda oýnalar.
