Türkmenistanyň Futbol federasiýasynyň (TFF) Kubogy ugrundaky ýaryşda bäşinji hem-de ýedinji orunlary eýelemek ugrundaky duşuşyklar geçirildi.
Bu barada Türkmenistanyň Futbol federasiýasynyň resmi saýty habar berýär.
Paýtagtymyzyň “Köpetdag” toparynyň ýaşlar düzümini 2:1 hasabynda ýeňen ýurdumyzyň ýaşlar ýygyndy topary (U20) TFF-niň Kubogynda ýedinji orny eýeledi. Bäşinji orun ugrunda geçirilen duşuşykda “Merw” “Energetik” toparyndan oýundan soňky bellenen 11 metrlik urgularynyň netijesinde üstün çykdy.
TFF-niň Kubogynyň ýarymfinal duşuşyklary 6-njy iýulda geçirilip, onda “Ahal” “Aşgabat” bilen “Şagadam” bolsa “Nebitçi” bilen güýç synanyşar.
Bäsleşigiň final duşuşygy 7-nji iýulda oýnalar.
7-nji orun üçin duşuşyk:
“Köpetdag II” – U20 – 1:2
5-nji orun üçin duşuşyk:
“Merw” – “Energetik” – 0:0 (5:4; 11 m.j.u.)
