Türkmenistanyň futzal boýunça milli ýygyndysynyň Aziýanyň kubogy ― 2022-däki garşydaşy ― Özbegistanyň ýygyndysy şu günler Daşkent şäherinde okuw-türgenleşik ýygnanyşygyny geçirýär.
«Championat.asia» saýty baş tälimçi Bahodir Ahmedowyň okuw-türgenleşik ýygnanyşygy üçin 20 futzalçyny çagyrandygyny habar berdi. Türgenleşikleriň çäginde ýoldaşlyk duşuşyklarynyň hem birnäçesi geçiriler. Türgenleşikler 18-nji iýula çenli dowam eder.
Ýeri gelende aýtsak, futza boýunça Aziýanyň kubogy 25-nji sentýabr ― 20-nji oktýabr aralygynda Kuweýtde geçiriler. Türkmenistanyň we Özbegistanyň ýygyndylary «B» toparça wekilçilik edýär. Bu toparçada Bahreýniň we Täjigistanyň ýygyndylary hem bar.
Türkmen ýygyndysy yklym ýaryşyna taryhynda ýedinji gezek gatnaşar.
