Türkmenistanyň Futbol federasiýasynyň (TFF) Kubogyny almak ugrundaky ýaryşyň çäginde “A” toparçada çykyş edýän toparlar üçünji tapgyryň duşuşyklaryny geçirdiler. Bu barada TFF-niň resmi saýty habar berdi.
Tapgyryň merkezi duşuşygynda “Ahal” bilen “Nebitçi” toparlary güýç synanyşdylar. Bu duşuşykda döreden mümkinçiliklerini has ýerlikli peýdalanan “Ahal” 4:0 hasabynda ýeňiş gazandy. Tapgyryň beýleki duşuşygynda “Köpetdag II” bilen ýurdumyzyň Olimpiýa ýygyndy topary duşuşdy. Bu duşuşyk 3:1 hasabynda “Köpetdag II” toparynyň peýdasyna tamamlandy.
Şeýlelikde, “A” toparçada geçirilen üç tapgyrdan soň 6 utuk toplan “Nebitçi” eýeleýän birinji ornunda galdy. “Ahal” bilen “Merw” toparlary dört utukdan toplamagy başardylar.
Kubok ugrundaky bäsleşigiň çäginde “B” toparçada çykyş edýän toparlar ikinji tapgyryň duşuşyklaryny birinji iýulda geçirerler: U20 – “Energetik”, “Şagadam” – “Aşgabat”.
Üçünji tapgyr:
«A» toparça
«Nebitçi» - «Ahal» - 0:4
«Köpetdag II» - U23 - 3:1
Ýaryş tertibi:
“A” toparça
T/b | Toparlar | O | Ý | D | U | T | U |
1. | “Nebitçi” FK | 3 | 2 | 0 | 1 | 3-4 | 6 |
2. | “Merw” FK | 2 | 1 | 1 | 0 | 5-1 | 4 |
3. | “Ahal” FK | 2 | 1 | 1 | 0 | 4-0 | 4 |
4. | “Köpetdag – II” | 2 | 1 | 0 | 1 | 3-3 | 3 |
5. | U23 | 3 | 0 | 0 | 3 | 2-9 | 0 |
“B” toparça
T/b | Toparlar | O | Ý | D | U | T | U |
1. | “Şagadam” FK | 1 | 1 | 0 | 0 | 5-1 | 3 |
2. | “Aşgabat” FK | 1 | 0 | 1 | 0 | 1-1 | 1 |
3. | “Energetik” FK | 1 | 0 | 1 | 0 | 1-1 | 1 |
4. | U20 | 1 | 0 | 0 | 1 | 1-5 | 0 |