12-nji iýunda Türkmenistanyň Döwlet migrasiýa gullugynyň hatarynda çagyryş boýunça harby gullugyny tamamlaýan esgerleriň ätiýaçlyga goýberiş dabarasy geçirildi.
Türkmenistanyň Döwlet migrasiýa gullugynyň habar bermegine görä, dabaranyň dowamynda bellenen möhletleri gulluk eden çagyryş boýunça harby gullukçylara dabaraly ýagdaýda harby şahadatnamalar gowşuryldy. Dabarada Watan öňündäki gulluk borjuny we serkerdeleriň tabşyryklaryny birkemsiz ýerine ýetirip, gullukda özüni göreldeli alyp baran esgerlere Hormat hatlary we ýadygärlik sowgatlar gowşuryldy.