PSŽ möwsümi 700 million ýewrolyk girdeji bilen tamamlady ― diýip, L'Equipe neşiri ýazýar.
Bu ― klubyň taryhyndaky rekord girdejidir. Mundan ozalky rekord 2018/19-njy ýyllaryň möwsümindäki 637,3 million ýewrolyk girdejä degişlidi.
Lionel Messiniň topara goşulmagy bilen Pariž şäheriniň kluby ýene-de 11 sany täze hemaýatkär edindi. Bu bolsa umumy girdejiniň 310 million ýewrosyny düzýär.
Argentinaly ýyldyz klubyň köýnekçe söwdasyna hem görnetin täsirini ýetirdi. Möwsümde jemi 1 million köýnekçe satylan bolsa, şolaryň 60 göterimi «Messi» ýazgyly köýnekçelerdir.
Oýun günlerinden geçen möwsümde 93 million ýewro girdeji gazanan klub tamamlanyp barýan möwsümde bu girdejini 132 million ýewro çykardy.