Aşgabat, 13.03.2015. “Türkmenportal”.
Özbegistan Respublikasynyň Türkmenistandaky ilçihanasy 2015-nji ýylyň 29-njy martynda (ýekşenbe) Özbegistan Respublikasynda ýurduň Prezidentiniň saýlawlarynyň geçirilýändigini habar berýär.
Türkmenistanyň çäginde hemişelik ýa-da wagtlaýynça ýaşaýan Özbegistanyň raýatlary 14-nji Daşkent şäher saýlaw okrugyna berkidilen 4-nji daşary ýurt saýlaw uçastogynda ses berip bilerler.
Özbegistan Respublikasynyň Türkmenistandaky ilçihanasynyň ýanynda döredilen bu uçastok şu salgyda ýerleşýär: Türkmenistan, Aşgabat şäheri, Görogly köçesi 50 A.
Saýlaw uçastogynyň iş wagty: 2015-nji ýylyň 29-njy marty (ýekşenbe) 6.00-dan 20.00-a çenli.
Saýlawlaryň Döwlet ýazgysyna adyny girizmek bilen bagly meseleleri anyklamak üçin Özbegistan Respublikasynyň raýatlary Özbegistan Respublikasynyň Türkmenistandaky ilçihanasyna ýüz tutup bilerler.
