Magtymguly adyndaky Türkmen döwlet uniwersitetinde 2022-nji ýylyň 7-nji we 14-nji maýynda «Açyk gapylar» günleri geçiriler.
«Açyk gapylar» günlerinde ýaşlar ýurtda ylym-bilim ulgamyny ösdürmek baradaky özgertmeleriniň durmuşa geçirilişi, uniwersitetde taýýarlanylýan hünär ugurlary, alnyp barylýan okuw-terbiýeçilik we ylmy işler, talyplaryň ýokary derejede bilim almaklary üçin döredilen şertler, şeýle-de döwrebap ýokary tehnologiýalar, enjamlar bilen abzallaşdyrylan okuw otaglary, kitaphana, sport-sagaldyş toplumy we umumyýaşaýyş jaýlary bilen tanşyp bilerler.
Mundan başga-da, «Açyk gapylar» günlerinde ýokary okuw mekdebinde alnyp barylýan işler, uniwersitetiň taryhy bilen baglanyşykly wideoşekiller görkeziler. Ýokary okuw mekdebiniň aýdym-saz toparlarynyň çykyşy, şol sanda bu ýerde hereket edýän fakultetleriň mugallymlarydyr talyp ýaşlarynyň taýýarlan sergileri görkeziler.
- «Açyk gapylar» günleri 15:00-da başlaýar.
- Uniwersitetiň salgysy: Aşgabat şäheri Saparmyrat Türkmenbaşy ýolunyň 31-nji jaýy.
- Habarlaşmak üçin telefon belgileri: 94-67-30, 94-67-05.
Şeýle-de okaň: