Türkmenistanly pälwan Döwletjan Ýagşymyradow bilen amerikaly Toni Jonsonyň arasyndaky tutluşygyň geçiriljek şäheri we ýeri belli boldy. Bu tutluşyk 15-nji aprel güni Amerikanyň Birleşen Ştatlarynyň Kaliforniýa ştatynyň San-Hose şäherindäki «SAP-sentr» ýapyk sport toplumynda geçiriler.
Bellator 277-niň çägindäki bu tutluşyk tölegli kabel ýaýlymyndan we «Showtime» teleýaýlymyndan görkeziler.
32 ýaşly Döwlet Ýagşymyradow Bellator bilen 2020-nji ýylyň dekabr aýynda şertnama baglaşdy. Ol bu gurama Türkmenistandan wekilçilik edýän ilkinji türgendir. Ildeşimiz henize çenli 18 tutluşykda ýeňiş gazandy, 7-sinde ýeňildi, birini bolsa deňlikde tamamlady.
38 ýaşly Toni Jonson bolsa karýerasynda 12 tutluşyk geçirdi. Ol bu tutluşyklaryň üçüsinde ýeňildi.