Türkmenistanyň Telewideniýe, radiogepleşikler we kinematografiýa baradaky döwlet komitetiniň resmi web saýty «Sport» teleýaýlymynda şu hepde «Formula-1» ýaryşynyň Saud Arabystany Gran-prisiniň görkeziljekdigini habar berdi.
26-njy martda agşam sagat 22-de ýaryşyň deslapky tapgyry başlar. Çempiony kesgitlejek ýaryş bolsa bir gün soňra ýene şol wagtda tomaşaçylara ýetiriler.
Saud Arabystany Gran-prisi «Formula-1»-iň düzümine geçen ýyl goşuldy. Bu tapgyryň ýaryşlary Jidda şäherinde geçirilýär. Geçen ýylky ýaryş «Mersedesiň» wekili Lýuis Hemiltonyň ýeňşi bilen tamamlandy.