Gazagystanyň futbol çempionatynyň 3-nji tapgyrynda «Kaýrat» «Taraz» bilen 1:1 hasabynda deňme-deň oýnady.
Duşuşykda «Kaýratyň» pökgüsini 59-njy minutda hüjümçi Hose Kante geçirdi.
Topar üç duşuşykda toplan 7 utugy bilen ýaryş tertibiniň başynda barýar. Duşuşykdan soň geçirilen metbugat maslahatynda baş tälimçi Gurban Berdiýew duşuşygyň ýeňil bolmanlygyny, Guljigit Alykulowy başga ýerde oýnatmaly bolandygyny aýtdy.
Türkmenistanly tälimçiniň şägirtleri 4-nji tapgyrda «Akjaýyk» bilen duşuşar. Bu duşuşyk 4-nji aprelde bolar.