Indoneziýaly Raffi Ahmad öz aýalyny doglan güni bilen gutlap, oňa hususy bankomat sowgat berdi diýip, «World of Buzz» neşiri habar berdi. Indi onuň aýaly Nagota gije-gündiziň dowamynda islän wagty nobata durman enjamdan pul çekip biler.
Ilkibada aýaly muny henekdir öýtdi, emma bank enjamyna kartyny salanda, ol hakykatdanam, nagt pul berensoň muňa ynandy. Bankyň işgärleri-de bankomatyň işleýändigini tassykladylar. Ondan diňe Raffiniň aýaly däl, eýsem, islän adam pul çekip biler. Sebäbi är-aýal enjamy öýde däl-de, Raffiniň iş edarasynda oturtmak kararyna geldiler.
Bankyň işgärleri-de Raffiniň we onuň aýalynyň hormatly müşderileridigini habar berdiler, şonuň üçin olar maşgalabaşa adaty bolmadyk sowgady guramakda kömek edipdirler.
Bu barada «MIR 24» teleýaýlymy habar berdi.
