«Xiaomi» ýörite Hindistanyň bazary üçin niýetlenen täze wirusa garşy täsiri bolan sport geýimini işläp taýýarlady. «Performance» atlandyrylan bu longsliw geýimi wirusa, şeýle-de, ultramelewşe şöhlelere garşy gorag bilen örtülendir.
Ferra.ru saýtynyň habar berşi ýaly, ajaýyp gara reňkli sport geýiminiň arka ýüzünde «Xiaominiň» nyşany ýerleşdirilipdir. Täze geýim Dritech+ tehnologiýasy esasynda gaýtadan işlenilen materialdan hem-de wirusa garşy serişdelerden taýýarlanyldy. Dritech+ tehnologiýasy geýimiň içindäki howa bilen daşyndaky howanyň temperaturasynyň arasyndaky tapawudy 2 gradus peseldýär. Ultramelewşe şöhlelere garşy täsiri bolsa bu geýim açyk howada sport bilen meşgullanmakda juda oňaýlylyk döredýär.
Ýeri gelende, geýimiň materialynyň patogenler geçmez ýaly ýörite usulda dokalandygyny hem bellemek gerek.
