Häzirki zaman rus aýdym-saz sungatynyň iň görnükli wekilleriniň biri Lew Leşenko şu gün, 1-nji fewralda 80 ýaşyny belleýär. Bu barada “Izwestiýa” ýazýar.
Rowaýaty artist heniz ýetginjek wagty aýdym aýdyp başlapdyr. “Men dört ýaşymdakam, radioda eşitdirilýän Sowet Soýuzynyň senasyny ýat tutdum. Meni öýde oturgyja mündürip ony aýtdyrýardylar. Çaga bolamsoň, näme hakda aýdýandygyma düşünip barmaýardym. Şonda atam oňat sesimiň bardygyna göz ýetirdi, 6-7 ýaşymda diňleýjiler ýakymly sesimiň bardygyny aýdýardylar” diýip, ussat aýdymçy habarçylara gürrüň berdi.
