Ýekaterinburgda «Вифлеемская звезда» ady bilen geçen buz heýkelleriň XVI halkara festiwalynyň ýeňijileri yglan edildi. “Euronews” habarlar gullugynyň ýazmagyna görä, bu gezekki halkara festiwalynda Russiýanyň dürli şäherlerinden heýkeltaraşlaryň 21 sany topary gatnaşdy. Her topar 200 kub metr göwrümli buz böleklerinden tematiki eserleri döretdiler. Festiwalyň bu ýylky ýeňijileri «Небесный пастух» atly heýkeli döreden Lew Brýuhanow we Mariýa Solowatowa dagy boldy. Buz önümleri 14-nji ýanwardan 15-nji fewral aralygynda giň halk köpçüligi üçin elýeterli bolar.
