Aşgabatdaky «Iş nokady» koworking merkezi işewürligiň ahlak kadalaryny ara alyp maslahatlaşmaga çagyrýar

16:3507.01.2022
0
3403

15-nji ýanwarda paýtagtymyz Aşgabatdaky «Iş nokady» koworking merkezinde «Işewürligiň ahlak kadalary», «Işewürlikde hoşniýetlilik» mowzuklaryna bagyşlanan hünär okuwy geçiriler.

Häzirkizaman işewürliginiň sanly ulgamyň esasynda birsydyrgyn döwrebap ösýändigine garamazdan, onuň esasy kadalary – postulatlary (постулат – matematikada we logikada hakykat hökmünde kabul edilýän we subut etmekligi talap etmeýän kada) öňküligine galýar we biziň döwrümizde hukuk bilimi bolmazdan işewürlik işini amal etmeklik asla mümkin däldir. Hut şu nukdaýnazardan-da, paýtagtymyz Aşgabatdaky «Iş nokady» koworking merkezinde geçiriljek bu hünär okuwynda Türkmenistanda işewürligiň we telekeçiligiň kanuny esaslary ara alnyp maslahatlaşylar.

«Iş nokady» koworking merkezinde hünär okuwynyň ahyrynda oňa gatnaşyjylar işewürlik ahlagy, işewürlik işiniň bellige alnyşy barada düşünje alarlar.

«Iş nokady» koworking merkezinde hünär okuwynyň «Işewürlikde hoşniýetlilik» mowzugyndaky sapagy oňa gatnaşyjylarda ruhubelentligi, işewürlik işi babatda örän güýçli höwes döretmäge itergi berer.

Paýtagtymyz Aşgabatdaky «Iş nokady» koworking merkezinde geçiriljek hünär okuwynyň mowzuklary boýunça ýokary hünär derejeli, tejribeli hünärmenler:

• Arslan Bakgalow – hukuk goraýjy guramalara we şahslara hukuk kömegi bermek üçin ygtyýarnama berlen adam hukuklary ugrundaky işjeň aklawçy.
• Güneş Bakgalowa – Türkmen döwlet uniwersitetiniň hukuk we halkara gatnaşyklar fakultetiniň uçurymy, Pittsburgh Amerikanyň Pittsburg uniwersitetiniň hukuk magistri.
• Aýlar Nurlyýewa – Merkezi Aziýanyň Amerikan uniwersitetini tamamlady we Halkara Buhgalteriýa assosiasiýasynyň talyby.

Gatnaşyjylar üçin muzdsuz (tölegsiz) geçiriljek bu hünär okuwy 15-nji ýanwarda, sagat 16:00-da paýtagtymyz Aşgabatda ýerleşýän «Iş nokady» koworking merkezinde bolar.

«Iş nokady» koworking merkezinde geçiriljek bu hünär okuwyna gatnaşmak isleýänler «docs.google.com» web sahypasynda bellige alynmaly.

Habarlaşmak üçin telefon belgi: +993 12 46-81-65

Teswirler
Teswir ýazmak üçin içeri giriň ýa-da registrasiýa boluň