«Toyota» kompaniýasynyň Türkmenistandaky resmi wekili bolan «Garagum-Ulag» awtodükany tarapyndan çagalaryň arasynda geçirilen «Arzuwymdaky awtoulag» atly surat bäsleşiginiň netijeleri jemlenilip, ýeňijileri yglan edildi.
«Arzuwymdaky awtoulag» atly surat bäsleşiginiň düzgünnamasyna laýyklykda, oňa gatnaşyjylar emin agzalaryna A3 ýa-da A4 kagyzda, boýaglarda, reňkli galamlarda ýa-da galamda çeken suratlaryny tabşyrdylar.
Surat çekmeklik boýunça geçirilen bu döredijilik bäsleşigine hödürlenen suratlarda awtoulaglaryň jemgyýetdäki orny, adamlar üçin peýdasy baradaky pikir garaýyşlar şekillendirilip, örän çeper beýan edildi. Bu bäsleşige 3 – 15 ýaş aralygyndaky zehinli çagalar gatnaşdylar.
«Arzuwymdaky awtoulag» atly surat bäsleşigine gatnaşyjylaryň eserlerine üç ýaş aýratynlygyna görä baha berildi we netijeleri jemlenildi.
«Arzuwymdaky awtoulag» atly surat bäsleşiginiň çagalaryň iň kiçi ýaş aýratynlygy boýunça 3 ýaşdan 7 ýaşa çenli körpejeleriň arasynda geçirilen tapgyrynda 4 ýaşly Ari ýeňiji boldy.
«Arzuwymdaky awtoulag» atly surat bäsleşiginiň çagalaryň orta ýaş aýratynlygy boýunça 8 ýaşdan 11 ýaşa çenli mekdep okuwçylarynyň arasynda geçirilen tapgyrynda 9 ýaşly Arinanyň çeken suraty iň gowy surat eseri diýlip ykrar edildi.
«Arzuwymdaky awtoulag» atly surat bäsleşiginiň çagalaryň uly ýaş aýratynlygy boýunça 12 ýaşdan 15 ýaşa çenli mekdep okuwçylarynyň arasynda geçirilen tapgyrynda bolsa 14 ýaşly Dawid ýeňiji diýlip yglan edildi.
«Toyota» kompaniýasynyň Türkmenistandaky resmi wekili bolan «Garagum-Ulag» awtodükany tarapyndan çagalaryň arasynda geçirilen «Arzuwymdaky awtoulag» atly surat bäsleşiginiň ýeňijileriniň eserlerini şu ýerden tapyp bilersiňiz. Ýeňijiler «Toyota» kompaniýasynyň gymmatbaha baýraklaryna mynasyp bolarlar.
