Bütindünýä Saglygy Goraýyş Guramasynyň baş direktory Tedros Adhanom Gebreýesus öňdäki 2022-nji ýylda koronawirus ýokanjynyň doly ýok ediljekdigi barada çaklamany öňe sürdi, ol bu hakynda guramanyň Ženewadaky düýp-edarasynda metbugat brifinginde aýtdy.
“2022-nji ýyl pandemiýanyň tamamlanjak ýyly bolar” diýip, Gebreýesus belledi.
Ol munuň üçin geljek ýylyň ortasyna çenli dünýä ilatynyň 70 göteriminiň sanjym almagynyň gerekdigini sözüniň üstüne goşdy.
Öň BSGG-niň Russiýadaky wekili Melita Wuýnowiç hem täze dörän omikron ştammynyň COVID-19-a garşy “janly sanjym” boljakdygyny we ýokanjy ýeňmäge mümkinçilik berjekdigini aýdypdy. Onuň pikiriçe, bu görnüş bilen ýeterlik adamyň kesellemegi gerek, netijede koronawirus dümew ýaly endemik häsiýeti alar.