Aşgabat, 30-njy ýanwar. “Türkmenportal”.
Türkmenistanyň BMG-niň ýanyndaky Hemişelik Wekilhanasy 4-16 ýaş aralygyndaky çagalary Türkmenistanyň Bitaraplygynyň 20 ýyllygyna bagyşlap geçirýän “Bitaraplyk we parahatçylyk ýyly” atly çaga suratlarynyň döredijilik bäsleşigine gatnaşmaga çagyrýar.
Bäsleşige hödürlenýän işler 2015-nji ýylyň 1-nji fewral-15 maý aralygynda kabul ediler.
1-nji iýunda – Çagalary goramagyň Halkara gününde Türkmenistanyň BMG-niň ýanyndaky Hemişelik Wekilhanasynyň binasynda çaga suratlarynyň sergisi we baýrakly orunlary eýelänleri sylaglamak dabarasy geçiriler.
Bäsleşige gatnaşmak bilen baglanyşykly takyk maglumaty Türkmenistanyň BMG-niň ýanyndaky Hemişelik Wekilhanasynyň www. turkmenistanun. org. saýtyndan alyp bilersiňiz.