Türkiýäniň Prezidenti Rejep Taýyp Ärdogan ýurduň eksport nyşanyny üýtgetmek barada karara gol çekdi, mundan beýläk türk harytlary «Türkiye» diýlen at bilen çykarylar. Karar 3-nji dekabrda «Resmi Gazete» neşiriniň saýtynda ýerleşdirildi.
Kararda bu çözgüdiň ýurduň baý medeniýetini we mirasyny şöhlenendirýän nobatdaky toplumlaýyn ädimdigi nygtalýar. Täze nyşan türk eskportçylarynyň ynamdarlygyny, ak ýürekliligini tassyklamaklyga gönükdirilendir.
Şeýle-de, «Türkiye» adalgasynyň türk halkynyň medeniýetini we gymmatlyklaryny doly şöhlelendirýändigi bellenýär.
Netijede, indiden beýläk türk önümleri «Made in Turkey» däl-de, «Made in Türkiye» diýen nyşan astynda bazarda hödürlener.
Şol bir wagtda Respublikanyň resminamalarynda Turkey, Turkei, Turquie diýen sözleriň ýerine ýeke-täk nusga — Türkiye diýlen at ulanylar.
