10-nji tapgyr Türkmenistanyň futbol çempionatynyň şu möwsüminde iň az pökgi geçirilen tapgyr boldy. Tapgyryň çägindäki dört duşuşykda derwezelere 6 pökgi geçirildi.
Şolaryň 4-si «Merw» «Aşgabat» duşuşygyna degişlidir. «Altyn asyr» ― «Şagadam» we «Nebitçi» ― «Köpetdag» duşuşyklarynyň her birinde bir pökgi geçirildi. «Energetik» ― «Ahal» duşuşygynda bolsa hasaby açmak toparlaryň hiç birine-de başartmady.
Mundan ozal möwsümiň iň pes netijesi 8-nji tapgyra degişlidi. Şol tapgyrda derwezelere 7 pökgi geçirilipdi. Möwsümde iň kän pökgi geçirilen tapgyr bolsa 1-nji tapgyr boldy. Şonda dört duşuşyga 15 gol sygypdy.
