«Şagadam» bilen «Köpetdag» Türkmenistanyň futbol çempionatynyň 29-njy möwsüminde myhmançylykdaky ilkinji ýeňşini 8-nji tapgyrda gazandy.
Mälim bolşy ýaly, bu toparlaryň ikisi hem ýer eýelerinden 2:1 hasabynda üstün çykdylar. Has takygy, «Şagadam» Maryda «Merwi», «Köpetdag» bolsa paýtagtda «Aşgabady» ýeňdi.
Şeýlelikde, Ýokary liganyň 8 wekiliniň 5-si şu möwsümde myhmançylykda geçiren duşuşyklarynda ýeňiş gazanyp gördi. Bu babatda iň ýokary netije üç ýeňiş gazanan «Altyn asyra» degişlidir. «Ahalyň», «Merwiň», «Şagadamyň» we «Köpetdagyň» hasabynda bolsa myhmançylykdaky duşuşyklarda bir ýeňiş bar.
