Türkmenistanyň çäginde hemişelik ýa-da wagtlaýyn ýaşaýan özbek raýatlary 24-nji oktýabrda Özbegistanda geçiriljek Prezident saýlawlaryna Aşgabat şäherinde ses berip bilerler.
Özbegistan Respublikasynyň Türkmenistandaky ilçihanasynyň habar bermegine görä, 24-nji oktýabrda, ilçihanada 42-nji saýlaw uçastogy dörediler we ol öz işini 06:00-dan 20:00-a çenli alyp barar.
Ilçihananyň salgysy: Aşgabat şäheri, Görogly şaýolunyň ugrundaky 50-nji A jaýy.
Saýlawçylaryň Döwlet sanawyna girizilmegi baradaky soraglary anyklamak üçin Özbegistan Respublikasynyň raýatlary ilçihananyň aşakda görkezilen telefon belgilerine jaň edip maglumat alyp bilerler:
- +99312369062;
- +99312369055;
- +99312369058;
- +99364756655.
Bu barada «Нейтральный Туркменистан» gazetinde habar berilýär.