«Facebook» sosial ulgamy «Facebook Protect» atly feýklere garşy programmany hödürledi. Ol programmanyň şertlerini kabul etmekden ýüz öwüren ulanyjylary petiklär.
Bu programma dürli ýalňyş maglumatlara garşy göreşmek, meşhur adamlaryň we «Facebook»-da yzarlaýjylary we dostlary köp bolanlaryň hasaplaryny goramak üçin döredildi.
Programmanyň şertlerine girýän ulanyjylaryň sahypalarynda sahypanyň kime degişlidigi we hasaby haýsy kompaniýa ýa-da gurama bilen baglanyşdyryp boljakdygy görkezilýär. Ulgam şeýle hasaplara abanýan howplara gözegçilik edýär. Mundan başga-da, «Facebook Protect» tassyklanmadyk ýa-da ýalan maglumatlar bilen ýazgylary yzygiderli neşir edýän ulanyjylaryň hasaplaryny ýapýar. «Ferra.ru»-nyň habaryna görä, «Facebook Protect» 28-nji oktýabrda kabul ediler.