AFK-nyň kubogy ― 2021-iň sebitleýin finalynda «Ahaldan» üstün çykyp, Inter zolagyň ýarym finalyna gatnaşmaga hukuk gazanan Özbegistanyň «Nasaf» futbol topary ýaryşyň bu tapgyryndan hem üstünlikli geçdi.
22-nji sentýabrda Garşy şäherindäki Merkezi stadionda geçirilen duşuşykda «Nasaf» Hindistanyň «Mohun Baganyny» kabul etdi. Duşuşyk 6:0 hasabynda özbek toparynyň ýeňşi bilen tamamlandy.
Pökgüleri 4-nji minutda Suhrob Nurolloýew, 17-nji, 20-nji we 30-njy minutlarda Husaýn Norçaýew, birinji ýarymyň goşmaça minutlarynda Oýbek Bozorow, 72-nji minutda Doniýor Narzullaýew geçirdi.