Ýewropa Bileleşigi ABŞ-nyň, Britaniýanyň we Awstraliýanyň üçtaraplaýyn esasda AUKUS diýilip atlandyrylan täze harby alýansy döredendiklerinden habardar edilmändigini mälim etdi we bu ady agzalan ýurtlardan goşmaça maglumat talap edýär.
Bu barada ÝB-niň daşary syýasat gullugynyň wekili Peter Stano resmi beýanat berdi. Stano bu meseläniň ÝB-niň içinde ara alnyp maslahatlaşyljakdygyny sözüniň üstüne goşdy.
Şu gün,16-njy sentýabrda ABŞ, Beýik Britaniýa we Awstraliýa Hindi-Ýuwaş ummany sebitinde goranmak we howpsuzlyk boýunça hyzmatdaşlyk etmek babatda ylalaşdylar.
Britaniýanyň hökümet başlygy Boris Jonson AUKUS atly täze alýansyň işiniň beýleki ýurtlara garşy gönükdirilmeýändigini habar berdi.
