Soňky habarlar

Arhiw

Ýewropada halkara futbol ýaryşlaryna badalga berilýär

09:0014.09.2021
0
4050

Ýewropa futbolynyň guramaçysy UEFA-nyň täze möwsümdäki klub ýaryşlaryna ertir badalga berler. Futbol janköýerleriniň iň söýgüli bäsleşigi bolan UEFA Çempionlar ligasynda 30-njy möwsümiň (umumylykda 67-nji möwsüm) ilkinji duşuşyklary oýnalar. 8 toparçada 32 klub bolup, ilkinji tapgyryň iň esasy oýunlary hökmünde Barselona-Bawariýa, Inter-Real Madrid, Liwerpul-Milan duşuşyklaryny görkezmek bolar.

Sişenbe günki oýunlarda Aşgabat wagty bilen 21:45-de başlajak duşuşyklarda Ýang Boýz öz meýdançasynda Mançester Ýunaýtedi, Sewilýa bolsa Salsburgy kabul eder. 00:00-da bat aljak oýunlaryň iň esasy-da “E” toparçada Barselona bilen Bawariýanyň arasynda bolar. Iki toparyň soňky özara duşuşygynda geçen ýylyň awgust aýynda nemes kluby güýçli garşydaşyny taryhy hasap bilen 8-2 hasabynda ýeňipdi.

Şeýle-de soňky çempion Çelsi hem öz meýdançasynda Russiýanyň çempiony Zeniti kabul eder. Çempionlar ligasynda çarşenbe güni-de 8 duşuşyk oýnalyp, olardan Inter-Real Madrid, Liwerpul-Milan duşuşyklary aýratyn bellenmäge mynasypdyr. Geçen ýylda-da bir toparça düşen Inter, Real Madrid, Şahtýor toparlary bu gezek liganyň debýutanty Şeriff bilen güýç synanyşarlar. Geçen möwsümde Inter, Real Madrid, Şahtýor toparlary Borussiýa M kluby bilen duşuşypdy. Real bilen Borussiýa M toparlary ýoluny dowam etdirip, Inter toparçada 4-nji ýeri eýeläpdi. 7 ýyldan soň Çempionlar ligasyna dolanan Milanyň köne garşydaşy Liwerpul bilen geçirjek duşuşygy-da köpleriň üns merkezinde. Iki klub 2005-nji ýylda Çempionlar ligasynyň ýatdan çykmajak finalynda duşuşyp, 3-0 öňe saýlanan Milan penaltileriň soňunda kubogy iňlislere aldyrypdy. 2 ýyldan soň finalda-da Milan 2-1 hasabynda ýeňiş gazanypdy.

UEFA Çempionlar ligasynda 30-njy möwsümiň çempiony geljek ýylyň 28-nji maýynda Sankt-Peterburgdaky Gazprom Arenada oýnaljak finalda belli bolar.

Galyberse-de, UEFA-nyň täze ýaryşy bolan Konferensiýa ligasynyň ilkinji duşuşyklary-da ertir oýnalar. Täze ýaryşyň ilkinji duşuşyklarynda Ysraýylyň Makkabi Haýfa we Makkabi Tel-Awiw toparlary öz meýdançasynda degişlilikde, Feýenoord hem-de Alaşkert toparlary bilen duşuşarlar.

Konferensiýa ligasynyň galan duşuşyklary penşenbe güni oýnalar.

Şeýle-de UEFA Ýewropa Ligasy hem çarşenbe günündäki Spartak Moskwa-Legia Warşawa duşuşygy bilen täze möwsüme badalga alar. Topar sanynyň azaldylmagyndan soň, güýçli klublary, Çempionlar ligasynyň klublaryny özünde jemleýän Ýewropa ligasynyň beýleki duşuşyklary penşenbe güni geçiriler.

UEFA Çempionlar ligasynda 2021/22 möwsüminiň toparçalardaky ilkinji duşuşyklary:

Sişenbe güni (14.09.2021)

Ýang Boýz – Mançester Ýunaýted (21:45)

Sewilýa – Salsburg (21:45)

Barselona – Bawariýa (00:00)

Dinamo K – Benfika (00:00)

Wilýarreal – Atalanta (00:00)

Lill – Wolfsburg (00:00)

Çelsi – Zenit (00:00)

Malmö – Ýuwentus (00:00)

Çarşenbe güni (15.09.2021)

Beşiktaş – Borussiýa D (21:45)

Şerif – Şahtýor D (21:45)

Mançester Siti – Leipsig (00:00)

Klub Brýugge – Pari Sen Žermen (00:00)

Atletiko Madrid – Porto (00:00)

Liwerpul – Milan (00:00)

Sporting – Aýaks (00:00)

Inter – Real Madrid (00:00)

Teswirler
Teswir ýazmak üçin içeri giriň ýa-da registrasiýa boluň