Grenlandiýanyň kenarlarynyň iň demirgazygynda ýerleşýän adanyň üstünden baryldy.
Muny polýar gözlegleri boýunça hünärmen, Grenlandiýadaky Arktika bekediniň gözleg merkeziniň başlygy Morten Ruş mälim etdi. Topar adanyň bu bölegine nusga ýygnamak üçin gitdi, ýöne hiç kim täze ýer böleginiň tapylmagyna garaşmandy.
Tapylan adanyň ululygy 30 metr töweregi. «Gazeta.ru»-nyň habaryna görä, oňa Grenlandiýanyň «Iň demirgazykdaky ada» diýmegi aňladýan «Qeqertaq Avannarleq» ady dakyldy.