«Lýusifer» howa akymy Italiýada howanyň adatdan daşary ýokarlanmasyna sebäp boldy. Şeýlelikde, Sisiliýa adasyndaky termometr 48,8 derejäni görkezdi.
«Euronews»-yň habaryna görä, bu tutuş Ýewropada iň ýokary görkezijidir.
Rimden başga-da Italiýanyň 15 şäheri howa howpunyň gyzyl derejesini yglan etdi we ýurduň günortasynda tokaý ýangynlary möwç aldy. Synçylaryň çak edişi ýaly, sebitdäki ýokary gyzgynlykdaky howa azyndan 15-nji awgusta çenli dowam eder.
