Kubanyň ýolbaşçylary ýurtda işlenip taýýarlanan «Abdala» atly waksinany koronowirus ýokanjyna garşy gyssagly ulanyp başlamaga rugsat berdiler.
Kubanyň Genetiki inženerçilik we biotehnologiýa merkezi tarapyndan işlenip düzülen waksina synaglarda COVID-19 garşy 92 göterim täsir edýändigini görkezildi.
«Abdala» üç dozaly waksinadyr. Kuba Derman serişdelerine gözegçilik merkezi onuň «hil, howpsuzlyk we netijelilik nukdaýnazaryndan talaplara laýyk gelýändigini» tassyklady.
Häzirki wagtda ýurduň alymlary COVID-19-a garşy waksinalaryň ýene-de birnäçe görnüşini taýýarlaýarlar.