Eger jenaýatçylykly işe baş goşmadyk bolsa, Russiýa 30-njy sentýabra çenli migrantlary ýurtdan çykarmaz. Prezident Wladimir Putin bu baradaky degişli Karara gol çekdi ― diýip, RIA Nowosti Kremliň metbugat gullugyna salgylanyp habar berýär.
Şeýle hem bu resminama laýyklykda, Russiýadaky daşary ýurtlular 30-njy sentýabrdan ozal Içeri işler ministrligine kanuny hukugyny uzaltmak ýa-da ýurtdan çykmak üçin ýüz tutup bilerler.
Mundan ozal daşary ýurtlularyň tomusda Russiýada galyp biljekdigini habar beripdik.