2021-nji ýylyň 13-nji aprelinde «Türkmenistan» awiakompaniýasynyň Boeing 737-82K uçary bilen Stambul ― Türkmenabat aralygynda ýörite uçuş guralyp, Türkiýedäki raýatlarymyzyň bir topary ýurdumyza alnyp gelindi.
Bu uçuş Stambuldan T53902 ýörite uçuş belgisi bilen Türkmenistanyň Hökümeti tarapyndan amala aşyryldy.
Türkmenistan daşary ýurtlarda ýaşaýan raýatlarynyň alnyp gelnişini guramak boýunça işlerini dowam etdirýär.
Hökümetiň mundan ozal Russiýadan, Belarusdan, Türkiýeden, Hindistandan, Täjigistandan, Ukrainadan, Özbegistandan we Ýewropa döwletlerinden köp sanly raýatlaryny alyp gelendigini ýatladýarys. Ýer ýüzüni gurşap alan koronowirus pandemiýasy sebäpli, awiakompaniýa häzir halkara gatnawlary bellenen tertip boýunça amala aşyryp bilmeýär.