Etrabyň forum-festiwalynyň çäginde Orşa lukmançylyk kollejinde Belarusyň we Türkmenistanyň bilelikdäki döredijilik we senetçilik sergisi geçirildi.
Belarus kollejinde okaýan türkmen talyplary sergide Türkmenistanyň taryhy we medeniýeti bilen tanyşdyrýan lybaslary, halk sungat eserlerini, senetçilik önümlerini we ýadygärlik sowgatlaryny hödürlediler.
Mundan başga-da, watandaşlarymyz türkmen halkynyň däp-dessurlary barada gürrüň berdiler, milli tanslary we aýdymlary ýerine ýetirdiler. Şeýle hem olar Belarusda okamagyň täsirlerini paýlaşdylar.
