Kurilda ýerleşýän gadymy hereketsiz Ebeko wulkany küllerini deňiz derejesinden 2 kilometr beýiklige çenli zyňdy. Bu ýagdaýyň çarşenbe güni irden hasaba alnandygy hakynda INTERFAX wulkanyň oýanyşy boýunça işlere gözegçilik edýän Kamçatka toparynyň maglumatlaryna esaslanyp habar berýär.
Külleriň gorizontal ýaýrawy wulkanyň ýerleşýän ýerinden günorta-gündogara 5 kilometre çenli aralygy öz içine aldy. Bu bolsa Ebekonyň golaýyndan geçýän uçuşlar üçin howply ýagdaýy döretdi.
Ebeko wulkany Sewero-Kurilsk şäherinden 7 kilometr araçäkde ýerleşýän daglaryň depesindäki birnäçe kraterlerden ― wulkanyň suwuk maddalarynyň çykýan agyzlaryndan ybaratdyr. Alymlar Ebeko wulkanynyň hereketsiz hasaplanylýandygy sebäpli, onda lawa akymlarynyň güýçli ýagdaýynyň ýüze çykmajakdygyny belleýärler.
