«Ak Tam Bazary» onlaýn söwda platformasy Türkmenistanyň Senagatçylar we telekeçiler birleşmesi we adybir partiýa tarapyndan yglan edilen bäsleşigiň «Söwda we hyzmatlar pudagynda ýylyň öňdebaryjy telekeçisi» ugry boýunça ikinji orny eýeledi.
Bu ugur boýunça birinji orny telekeçi N.Gapurowyň «Ynamdar.com» taslamasy we «Döwletli nesil» hususy kärhanasy eýeledi.
«Ak Tam» işewürler jemgyýetiniň wekili TSTB-niň we TSTP-niň adyndan Hormat hatyny we tapawutlandyryş nyşanyny kabul etdi.
«Ak Tam Bazary» internet söwda platformasy öz işine 2020-nji ýylyň başynda girişdi. Bu döwürde onlarça ýerli telekeçiniň hödürleýän hyzmatlaryny we harytlaryny öz içine alýan onlaýn dükanlary açdy. «Ak Tam Bazarynyň» maksady ýurduň ähli haryt nyşanlary we dükanlaryny bir saýtda jemlemek, orta we kiçi kärhanalaryň eýelerine harytlaryny we hyzmatlaryny internet arkaly aýratyn tölegsiz satmak mümkinçiligini bermekden ybaratdyr.
