Türkmenistanyň futbol ýygyndysynyň Dünýä çempionaty ― 2022-niň saýlama tapgyryndaky garşydaşy Koreýa Respublikasynyň ýygyndysy Ýokogama şäherindäki «Nissan» stadionynda geçirilen ýoldaşlyk duşuşygynda Ýaponiýanyň ýygyndysyndan 0:3 hasabynda ýeňildi. Duşuşykdaky pökgüleri Daidi Kamada, Miki Ýamane we Wataru Endo geçirdi.
Koreýaly futbolçylar saýlama tapgyryň «H» toparçasynda 3-nji iýunda Türkmenistanyň, 7-nji iýunda KHDR-nyň, 10-njy iýunda Şri-Lankanyň we 15-nji iýunda Liwanyň ýygyndylary bilen duşuşar.
Koreýa Respublikasynda merkezleşdirilen görnüşde geçiriljek saýlama ýaryşdan öň Röwşen Muhadowyň ýolbaşçylygyndaky milli ýygyndymyzyň ýoldaşlyk duşuşyklaryny hem geçirjekdigini habar beripdik.